唔知幾時開始台北興起了Cafe文化。這次台北之旅一口氣走訪了幾間有名氣的Cafe!甜品和飲品都有水準,可以看出店家真的用心去經營。唔知香港幾時都可以有多啲咁有心嘅咖啡店呢?
(1)Melange Caf'e 米朗琪咖啡館(三店)
一落機第一間去的是出了名的長龍店米朗琪咖啡館 (本來想試咖啡弄,不過我發現這間台北更有人氣,而且響香港尚未有分店)。唔知係咪週末的關係,一去到看看屏幕,居然要等60張枱。。。 60張??? 不是講笑吧?
這裡等位很有系統,客人先拿飛,可選現場等或者留電話。由於我地冇本地電話,所以冇得選擇留電話等佢哋Call,唯有乖乖坐响度等。初初問佢哋要幾耐,他們依依哦哦話大概一個半小時。。。 hmmm。。。 好彩我哋執死雞肯坐吧檯,所以最後只係等咗一個鐘就有得入座。根據我細佬嘅經驗,咖啡弄都要排差唔多時間。台北一般咖啡店都有限時,不過至少限兩小時。。。所以大部份人都磨爛蓆,所以要等咁鬼耐。 還有就係每個人最少要叫一杯飲品。
我的朋友點了冰咖啡,價錢是香港的一半,好味得嚟仲有一舊咖啡冰。我點的是水果茶,嘩,好飲過香港咖啡弄好多。
跟住是食物,叫了栗子雞肉quiche和士多啤梨Waffle。後者和咖啡弄做得差不多。Quiche咸中帶甜,口感不俗。
Melange Caf'e 米朗琪咖啡館(三店)
台北市信義區松壽路11號B1(新光三越B1)
(2)4Mano Caffe
吸收了第一天的經驗,發覺週末係唔應該去Cafe。所以改閒日先去,費事嘥一兩個鐘係度吽等。而且要開門嘅時候去,咁就萬無一失啦哈哈。第二間試嘅係冠軍咖啡師開嘅4Mano Cafe。去到仲有三分鐘先開門,見到佢哋嘅明星狗Mano,不過佢躲響玻璃後,無得近距離接觸添。
這裡除了咖啡出名,還有麻薯Waffle。所以點咗個,仲有番茄多士,兩樣都勁好味。
咖啡就更加唔洗講,Hazelnut Latte做到整杯都一樣溫度和甜度,唔會話啲奶凍,又或啲糖聚晒響底。一個字,正!
4Mano Caffe
台北市中正區忠孝東路二段134巷3號
(3)起始咖啡
去誠品松菸店附近發現了這家Begin Coffee (起始咖啡),也不錯。
他們還有個mini waffle名物,可惜凍嘅,如果可以熱上就好多了。
(4) 蜂大咖啡
位於西門町的蜂大咖啡,上次去台北後一直也念念不忘。可是店依舊,為甚麼杯Latte的拉花不一樣了?是不是因為今次上咗二樓,咖啡師不同了?
蜂大咖啡
台北市萬華區成都路42號
(5) Caldo Cafe 咖朵咖啡
走之前都要試埋這間咖朵咖啡,這裡出名是梳乎厘。點了原味,做得挺不錯。不過要等半個鐘呢。平日這裡也蠻多人。聽講這裡的心太軟和蘋果批也做得好好食,下次有機会要再試。
個米香烏龍奶茶,賣相很靚。3個Like!
今次台北之旅,大滿足!
留言列表