作為壽喜燒忠實粉絲的我，吃過了東京今半人形町本店和銀座分店，岡半，還有京都的三嶋亭，但是一直還是念念不忘東京壽喜燒第一位的【いし橋】。去年早一個月打電話去訂碰了一臉灰，今年拜託酒店五個月前就幫我們訂位，實行萬無一失，務求一定要吃到為止。所謂，不親身品嚐，怎麼知道哪家才是壽喜燒的真正王者！
いし橋謹此一家，位於秋葉原附近的末広町站。門口很古色古香，應該不易錯過。這是我們飲飽食醉之後跟幫我們烹調壽喜燒的女將在門口的合照。她跟我們說【いし橋】在這裡已經開業一百四十五年，第二次大戰時舖頭被火摧毀再重建，到今日也有近七十年歷史。而且是代代相傳，一直由她的家族經營（呀，原來不是普通服務員呀，是老闆家人呢！）
上回介紹咗Narisawa嘅魔法麵包，今次繼續寫其他菜式，碟碟都靚到好似藝術品一樣，唔講真係爭啲以為自己去咗美術館。
未上菜之前，通常侍應都會問你需唔需要Aperitif，估唔到佢哋仲貼心地提供無酒精嘅cocktail。除咗wine pairing，仲有tea pairing。。。 好厲害，不過太貴冇幫襯到。
當年托酒店的推介，發現了東京今半壽喜燒，即刻驚為天人。其實背後係有段古的。話說原本我係拜託酒店幫我book位於New Otani酒店嘅『岡半』（記住東京有兩間岡半壽喜燒，係New Otani嗰間，唔係銀座果間），只可惜兩日前預訂都已經fullu fullu了，先『退而求其次』食了今半。
如是者吃了好幾次今半（亦介紹了好幾個朋友仔去食過），今次再訪東京，決定要俾岡半多一次機會。我自己一個月之前打電話親自去訂Lunch，完全無難度。再睇下佢哋網頁個價錢，咪住先，有問題。。 點解晏晝食壽喜燒午市套餐，只係三千五百日圓。。。 ？？？ 咁。。。平嘅？？？ 究竟食乜牛先？加上又咁容易book，心裡難免懷疑究竟好唔好食架，仲一度有取消預約番去食今半嘅念頭。。。 不過諗住費事煩，姑且一試嘅心態，於是就響一個風和日麗，藍天白雲，櫻花盛開嘅下午，走出咗赤阪見附地鐵站，步行去New Otani酒店。去過東京咁多次，都係第一次去New Otani酒店，真係超大。。。 單係由行入New Otani辦公大樓，再行去酒店大堂，再行去餐廳，就起碼需要10分鐘。。。我都係第一次響東京見到咁大嘅酒店。。（係，我認我大鄉里
）
一月三十日，離開東京的日子。要把這幾天癲狂購物後買回來的『戰利品』巧妙地塞入那極度有限空間的行李箱之中，是一門藝術，所以嘛差不多弄到半夜三更才可以入睡。難得最後一天可以在床上懶洋洋不願起來，拿起電話卻收到朋友七點多發來的訊息 － 『東京在下雪呀！』 之前天氣預報已經說了今天可能下雪，但是畢竟東京下雪 （雨雪除外）是很少有的事情，所以一直都半信半疑。立刻起來打開窗簾，嘩！一片片的雪花慢慢的飄下，好興奮呀！那種感覺，就像在看着一個好大好大的玻璃水晶球，裡面的雪花飄啊飄啊。。。
對日本的燒雞飯有份難以解釋的情意結，真係好令人懷念。以前響東京做嘢嘅時候，成日去公司對面嘅燒雞舖食Lunch。那間鋪頭好有性格，Menu只有三樣嘢，1）Chicken in a box; 2) Chicken outside of a box; 3) 親子丼，啱哂有選擇困難的你（當然要揀D雞響唔響個盒入面都幾花心思㗎！）最記得個老闆仲無啦啦放咗一年假，到我差唔多要離開東京嘅時候先返嚟開番舖，有性格到呢。。
所以，今次朋友極力推介這間響築地嘅燒雞飯店，仲要講到係全東京最好食，仲唔第二日即刻仆倒去食咩。仲要空肚食早餐個隻，唔係點試到D真雞味。餐廳就位於晴海通，沿著晴海通由銀座往築地方向大概行十分鐘就見到，途經築地市場，你要有信心唔會改變主意去左食魚生先得，因為我哋意志好堅決所以輕易過關，直闖雞店。
首先，要介紹一下這間L'Effervescence餐廳 （Sorry個名好難讀，就算跟日文發音都超蹺口）。 在Tabelog排行東京餐廳第三位，評分4.51分，米芝蓮兩粒星星，屬法國創作料理。本以為好難Book，點知出奇地網上預約三星期後的午餐完全冇問題。太容易可能覺得唔希罕，不過我今天再嘗試預約午餐，最快都要個半月後。呀，原來是自己好彩咋！
餐廳的位置非常奇特，並唔係響大街大巷又或者鬧市之中，而是隱藏在西麻布住宅區一棟不起眼的平房，驟眼看跟其他住宅差不多無分別，完全不為意這居然是一間餐廳。它的對面有一間非常大的長谷寺，算是唯一的識認。
一月二十九日，醞釀下雪的前一晚，氣溫只有攝氏兩度，寒風凜凜。
一行四人，來到東京西麻布交叉點不起眼地下一層的Masa。八點半的預約，準時到達，因為之前的客人還沒有吃完還要等十分鐘。這裡只有七個座位，三星期前的預約。這一晚總共食了三個鐘，三十九隻壽司。。。 是一個人吃了三十九隻，不是四個人。。。。 從前食迴轉壽司疊碟碟都未試過食三十九件。。。 Wow。。。 好佩服這晚的自己。。個。。。胃 （傻笑！）在美食之前，千萬不要睇小自己個胃的彈性啊！
小時候看卡通「伙頭智多星」，見到主角每當吃到美味的食物，講完一句「好味呀！」之後會飛到半空中，所有食材都會伴隨飛舞，有時放煙花，有時冒星星，心裏面不太理解，總覺得是呃細路的誇張技倆。人大了有機會去追求各式各樣的美食，每次吃到了人間極品的時候，那一刻難以言喻、心花怒放的感覺總令我想起一幕一幕「伙頭智多星」的場景，「呀，原來是這樣的心情！」。原來，不是誇張，美食真有讓人飛上天空的力量！
來日本，食和牛同食壽司都係唔駛講嘅指定動作。和牛有好多種食法，常見有鐵板燒，涮涮煱Shabu Shabu同壽喜燒。我今次想吃壽喜燒，本來想去位於銀座，朋友介紹的岡半。可惜一日前預定都客滿，酒店推介這間今半，居然日本友人都知道這店，還讚口不絶，姑且試試。
以前住東京的時候，一直鐘情Comme Ca Cafe的鮮果撻。無意中俾我發現這間Quil fait Bon,同樣sell 果撻，不只一般的圓形，還有星型，波浪型...
他們有很多分店，我這次揀了銀座店。在銀座一丁目地鐵站附近，不難找（加上我有google map啊）地鋪是餅店，Cafe在樓下一樓。一去到就有個守門口的哥哥仔問幾位，再看看側面的牌 - 「十五分鐘」！！！星期二下午啊，天啊！還真的很多人呢！一心來試梗係等等等。
