一直久仰澳門新葡京8餐廳的大名，可是每次去澳門都是有點即興來不及預約，所以久久未嘗一試。今次一早個多月前就通過網上預約，抱著萬分期待，點知又碰巧屋企愛貓病倒了。。。 真是天有不測之風雲。。。 經過一輪內心掙扎，最後一分鐘決定即日來回過大海只係為了食這一餐8。。。可見美食同貓貓響我心目中有著難以取捨的相同比重！
8餐廳位於新葡京酒店的二樓。過了Reception之後，要通過一條類似時光隧道的物體先可以進入大廳，唔講真係以為去咗Club，最特別是地下有鯉魚的動畫，踩響上面，魚會響腳底游下游下都幾盞鬼。我哋坐的枱係半圓形的梳化位外加兩張櫈，一行五個人坐得非常舒服鬆動，牆上滿是金魚的裝飾。好明顯這裏所有嘢都好講意頭，但又不得不佩服他們響貫徹金魚主題這方面的心思。
