問題一：旅行的時候，你是否美食大過天，不惜時間金錢都要一嚐當地美食？
問題二：如果早知要排一粒鐘先有得食，你仲會唔會食？
如果，兩條問題都係否定嘅話，咁你可以Skip咗這一篇文，費事浪費你的寶貴光陰嘛！
相反，兩條你都肯肯定嘅話，恭喜我又恭喜你，我哋終於搵到同道中人啦！
我唔會話日本人『最』鍾意排隊，但係肯肯定佢哋一D都唔抗拒排隊，仲會好有耐性咁排，唔似得香港人，一見多幾個人响門口就話：『去第間食啦！咁多人排大佬！』人生最大交叉點個位係，要排隊嘅通常都係冇得預約嘅小店，好似拉麵呀，咖喱飯呀，蛋包飯呀，蛋糕下午茶呀，排一粒鐘分分鐘食得十五分鐘，然後只係俾幾百円埋單。
今次去京都，撞正紅葉旺季，排了兩間長龍店，想同大家分享一下（是分享食物，不是分享排隊的心得啦～）
1. グリル 小宝 (Grill 小寶）
京都府京都市左京区岡崎北御所町46
075-771-5893
http://www.grillkodakara.com/grillkodakara/homu.html
注意：逢星期二休業
這間位於平安神宮東面的Grill小寶，主打蛋包飯。在Tabelog京都蛋包飯總合排名第二位（蛋包飯都有自家排名，果陣專門！）
來到門前就有十多人排隊，已經排到轉彎入小巷。在烈日下四個人排了足足多個一粒鐘先有得入內。幸好他們響你就排到嘅時候已經幫你落定order，到坐低嘅時候很快就有得食。
話明小寶主打蛋包飯，我一定係叫蛋包飯，不會有異心俾其他嘢動搖嘅。蛋包飯又有S，M，L三個Size，分別是650，950和1400円。我點了一個小Size的。
話說我哋隔離枱有個弱質纖纖細細粒嘅女孩子，居然叫了一個L Size嘅蛋包飯，於是我哋有幸可以見識L Size究竟有幾大。。。Hmmmm。。。大概等於一隻正常雞咁大，蛋包飯黎講好誇張下。我哋起初以為女孩子Order嚟影張相留念，然後會同佢兩個friend開心Share。。。 點知佢全程以不徐不疾嘅速度，一羹一羹的自己一個食晒。。 我自己食一個S Size已經是啱啱好。。。 那個女孩真叫人滴汗，日本果陣係臥虎藏龍之地，佩服佩服！
餐廳的內觀，最衰影唔到果個巨無霸蛋包飯。。。
還有，有時間大家可以到佢哋嘅官網睇下佢哋個英文Menu，包你笑爆嘴！
http://www.grillkodakara.com/grillkodakara/MENU.html
呀，除咗Omuraisu （蛋包飯），我哋見到好多人叫Hashed Beef Rice，應該都係名物嚟！
客觀來講，個蛋包飯真係幾好食，不過下次如果要排一粒鐘就未必會再食了。
2. 京都最好食的梳乎厘 － 六盛茶亭
075-751-2866
如果你鍾意食梳乎厘，嚟京都不可不嚟位於平安神宮西面嘅六盛茶亭。人家咁專，專到只係主打梳乎厘就知唔講得笑。六盛茶亭位於琵琶湖疏水附近一條不起眼的路旁，真的好不起眼。
六盛茶亭外的樹十一月頭已經變紅了。
六盛茶亭的招牌。
2013年第一次光顧不用排隊，可是2014年再來的時候就足足排了40分鐘。還要等30分鐘慢慢焗梳乎厘。
這裡有教你點樣食個梳乎厘。
Step 1：先輕輕攪拌醬汁
Step 2：響梳乎厘的正中央開一個圓形大窿
Step 3：將攪好的醬汁倒入個窿度
Step 4： 然後就擺入口食
還好溫馨提示要影相就要早要快，免得梳乎厘一下子塌了。
去年吃的士多啤梨味。
2014年吃的Almond味。
唔知係咪要排隊覺得特別好食，這次呢個Almond味的梳乎厘真係好食到難以形容，唔好講係京都最好食，對我嚟講簡直係食過最好食的梳乎厘。頂呱呱！
下次再嚟京都，我諗我還是會繼續幫襯六盛茶亭。這個真心覺得值得排。
留言列表
