娜娜林部落格

不經不覺，光顧大阪Fujiya 1935已經差不多是六個月前的事。可是，至今仍然念念不忘它的味道。心裡總是愧疚欠它一篇食記，不寫實在對它不公道，所以還是要執起筆來，順道回憶一下那彷彿還留在舌尖上的味道。
Fujiya 1935在2016年被米芝蓮狠奪了一粒星星，由三粒星變成了二星星餐廳。但是，知道這個消息的時候，已經拜託了酒店幫我預約了這間餐廳，反正也沒有試過就抱著姑且一試的心態去拜它一會。可能就是因為沒有太大期望，反而令人驚喜處處。

問題一：旅行的時候，你是否美食大過天，不惜時間金錢都要一嚐當地美食？
問題二：如果早知要排一粒鐘先有得食，你仲會唔會食？
 
如果，兩條問題都係否定嘅話，咁你可以Skip咗這一篇文，費事浪費你的寶貴光陰嘛！

京都除了出名懷石，天婦羅和豆腐／腐皮料理也是一絕。說起豆腐，好多人都會去南禪寺順正，可是試過了覺得有點不外如是。在Tabelog找到了這間松籟庵，兩個月前打電話去預訂，周末已經滿了。。。 這麼受歡迎應該都差不到那裡，所以就預訂了平日的午餐（由於嵐山偏遠，本人是不太喜歡黑媽媽在荒山地區吃晚飯啦，況且夜晚去嵐山，同夜晚去郊野公園一樣，簡直浪費了嵐山的絕景！）。這裡訂位的時候已經要選定套餐，我們就選了中價位的『松籟』，以餐廳命名的套餐應該係招牌推介沒錯了吧！
十一月下旬，京都賞秋楓的黃金檔期，只可惜一晚無情雨，把無數紅葉打到地上去，變成了厚厚的紅地氈，可憐嵐山的賞楓名所如常寂光寺呀天龍寺呀都剩下光禿禿的樹，抬頭不見紅葉，低頭全在腳下。松籟庵跟嵐山吉兆在同一條路上，都在桂川旁。可是松籟庵還要沿河邊走上一段路。但是桂川兩旁的景色實在美得令人忍不住再三駐足，若果不是預定了時間，肯定在河邊必然耽誤好一段光景。
 
終於找到了松籟庵，隱蔽的藏在小樹林裡邊的一間小店，單單是選址已經夠詩情畫意。我們到達的時候，清雅的門口已經有一班客人在等着。

京都旅館有所謂御三家（即俵屋，佟屋同埋炭屋），唔好話畀人聽你未聽過呀哈哈，會俾人笑㗎！不過未住過就好正常，出名嘅嘢通常都未必一定要去試嘅下嘛。之但係為咗深入體驗京都文化，我決定帶備足夠彈藥深入虎穴去探個虛實，仲要一揀就揀三家之首兼日本旅館之最兼最棘手嘅俵屋。點解我話佢棘手呢？因為佢係不設網上預約，只有打電話，confirmation都只能用Fax因為佢哋係冇Email嘅（究竟咩年代呢？）全間旅館只有十八間房，唔好問我要幾耐之前預約，我諗好睇你同佢究竟有冇緣分囉，有時係冇得強求嘅 （我最近book得日本餐廳多，這個是我個人的深刻體會）但是只要他們有空房，只需留下姓名和電話便可，什麼訂金呀信用卡都不要，全憑一個信字。但是，我認為更重要的原因是他們覺得你想入住多過他們想你入住，所以認為客人一定會來。
一去到旅館門口，打從落的士果一刻就開始變做了上賓（雖然我哋著到爛身爛勢！）幾個著住和服的服務員從四方八面走出來爭住幫你攞行李（係連手上拎住個啲都拎埋！）未入到門口就撞到名人（上海灘老細），嘩，同有錢人住埋同一間旅館真係與有榮焉（就好似去福臨門響大劉隔離開餐一樣，哈哈，純粹講下笑啫！）今次我哋嘅房間係14號房，『楓』，呢度間間房都係唔一樣嘅，所以想試勻哂十八間房要來十八次咁多，仲要係預約到喎（聽講有幾間房係特別搶手嘅，不過應該唔係我哋住嗰間）。不過到你真係住勻十八間房嘅時候，之前住過的又翻新了，又得重新再住一次。。。
 
Service Menu裡面有手繪嘅房間間隔圖。

寫過吉泉，寫過祇園丸山，何解遲遲沒有寫京都嵐山吉兆呢。。。 連我自己都百思不得其解，何況這餐嵐山吉兆，真係學阿蘇話齋，可以講足一世的一餐，唔寫當真係對唔住自己又對唔住間餐廳呀！
這餐究竟有乜嘢咁特別可以講足一世咁巴閉呢？首先，貴，唔洗講嘢，係超乎想像咁喇脷，嵐山吉兆最平的套餐是每人36,750日圓，最貴是六萬日圓一位。即是話，入得嵐山吉兆的門口，至少要擺低港紙二千五大圓，仲要係至平果隻啦 (呢個價，仲要係日圓貶值之後的價錢）。人家的最平，卻是我一生人食過最貴嘅一餐來，嗚嗚。。 當然我唔係發咗達，但係為咗一生人點都要豪一次，何況唔食過點知點解要咁貴先？人一世物一世，點都要試下嘅係咪？為咗美食，我係絕對義無反顧豁出去食咗先算！
翻查紀錄，我係出發之前六個月的預訂，只要到他們的網頁填表格，很快他們就會用電郵回覆。雖然我唔知要幾耐之前預約先會有位，但係如果撞正櫻花或者賞楓季節就最好早D訂了。聽講旺季嘅時候係好難預約到地下有景觀的個室。還有值得一提，嵐山吉兆係有好多分店，有啲仲響火車站樓上，價錢相比本店相宜得多。之但係米芝蓮三粒星嘅始終係本店，tabelog也以本店評分最高。
嵐山吉兆很易找，過了渡月橋沿著嗰條大河桂川向上游行8分鐘左右便到。這裡用餐的個室非常之大。我哋嘅個室係響地下，可以見到十一月頭樹葉還是一片翠綠，但係過多幾個星期，坐享同一個房間就可以望到一片火紅嘅楓葉，單係諗下已經覺得超正，所以一早俾人Book哂係絕對可以理解嘅。

十月準備京都之旅嘅時候，心血來潮醒起阿蘇『京都SO GOOD』介紹過食朝粥，於是就拎起電話打去飄亭訂位 （點解我咁叻會知間嘢叫飄亭呢？因為麻生圭子響『小巧京都食導覽』都有寫過）。 阿蘇介紹得嘅當然非一般餐廳，飄亭是擁有三粒米星星嘅懷石料亭，最特別係佢會提供早餐。阿蘇食嘅係飄亭本店，而我哋因為係十一月嘅關係，所以只可以在別館食。兩者有乜嘢分別呢？阿蘇果個係6000円（嘩，仲要係十算六舊水），我哋食別館只需要4500円。除此之外，本店有古色古香個室坐地蓆，別館則是有枱有櫈但係冇個室。不過唔駛煩惱，因為係冇得你揀嘅，本店只在夏天七八兩個月先會開放食朝粥，而且只有八至十點兩個小時，認真巴閉，其餘月份則只有別館提供，之不過十二月到三月中係無論本店別館都係冇早餐吃嘅要留意啦。

飄亭位於南禪寺附近，地方有一點隔涉，到訪當日仲要氣溫驟降冬意濃。一入門口有條長長走廊，訂咗位都要在這條走廊等候。等等下發現條龍越等越長。。 訂咗位都要等等等。。可能佢哋覺得我哋個樣未夠肚餓，所以要響走廊食下西北風先。驟眼望去，大部分都是日本人，咁又係香港人應該唔係咁多個好似我咁會有興趣千里迢迢嚟京都俾幾百蚊食粥卦哈哈。
 

思索良久，想想要點樣寫這間米二星懷石餐廳先夠客觀理性。最後決定用最平淡的直敍法，係不帶任何私人感情 （笑！）
話說兩年前曾經想試試這間網評不錯的懷石料理，貪佢可以網上預訂很方便。不過最後因為時間安排問題去了另外一間評分相若的吉泉 （另見BLOG文，註：現在吉泉的評分已經遠遠拋離建仁寺祗園丸山）。今次再訪京都，決定要試番這一間上次去不到的餐廳。網上預約仍是很順利，奇怪的事情開始隱約發生。。。  記憶中用網上預約後，通常餐廳會在光顧當天之前用email或者電話作提醒又或再確認。可是祗園丸山沒有任何動靜。。還是我自己親自打電話去確認預約。 OK － 小事一樁，不足掛齒。
出發前，手痕去tabelog再做下Research，咦。。。。 點解評分由4.X一下跌到3.83，排名京都八十八位。。。。 心裡涼了一小截。。。 不過還是同自己講，分數不代表一切嘅。況且臨急改也不知可以訂到什麼好餐廳，所以還是不變應萬變吧。
當晚下著大雨。。。從祗園四條步行去建仁寺祗園丸山行了十多分鐘（早知打的!) 去到已經濕漉漉，奇怪為什麼冇人響門口迎接。一般懷石料理門口都好低調，一定有專人響門口迎接，以免客人行過龍找不到。門口的大哥好像也怕了大雨，躲在店內沒有出來。Anyway，入去裡面把我們的濕遮收下也是常識吧。。。 當我把我手上濕漉漉的雨傘雙手遞上的時候，看門口的哥仔呆了半分才伸手來接，表情就像不解為什麼我要把濕遮遞給他一樣。。。 是我傻還是他傻了，此刻我真的有一刻動搖但也不深究喇。

去年第一次幫襯祗園245，是因為貪佢就響所住酒店的隔離。當時食完感覺是好抵食同埋好味道。今年和中學同學相識記念旅行，決定再返黎這間小店。食物質素依舊非常高，難得是今次多了和廚師的交流，讓我們留下了一個美好的回憶。
祗園245是一間Fusion意大利餐廳，只提供一個廚師預先定好的Course Menu，大概一萬一千日圓一位，飲品另計。
第一道菜已經好味到不行了。把用蠔跟白松露煮成的意大利飯盛在一隻小小的蠔殼上，兩三口就吃完。七百幾港紙就可以食到矜貴的白松露，實在不能不佩服廚師老闆的慷慨，我哋作為食客實在太幸福了。平時黑松露就有食過，印象中真的不知道有沒有吃過白松露。。。 廚師還特登拿了成個白松露給我哋聞一聞它的香味香氣。。。嘩！真的好香㗎！不過奇怪放在意大利飯上後就沒了那個撲鼻香氣，口感也跟黑松露差不多。

據講班戟店在大阪開得如雨後春筍，嚟大阪不吃班戟好似有點講唔過去！作為甜品粉絲的我，當然是必試無疑。
雪ノ下是一間位於大阪的班戟店，但是它卻是『完全預約制』，即係話不予約一定無得食。它就連電話都沒有，只靠網頁上的表格『申請』預約。更匪夷所思的是，在預約的同時已經要決定點的食物，不得隨意更改。它主要提供的食物分班戟和刨冰。飲品則是即場下單。還有，每一個人一定最少要點一款食物。果真規矩多多。
還有填了表格不代表預約成功，要等待他們email確定（大概3－7個工作天應該有回覆）。而我卻等了一個禮拜都無回音，唯有寄email追問一下。點知他們回覆說預約當天已經回覆，我卻是從來都沒有收過。所以，如果大家預約的話，收不到確認記住要跟店家聯絡一下。否則成功預約而又不出現的話，是需要俾罰金的。當然怎樣收外國人罰金是個問題，但是損害了遊客的名聲就唔係咁好啦。若然大家怕麻煩，可以幫襯離雪ノ下不遠的雪之下工房，不用預約但係要即場等位，如果只是一兩人建議去工房。

五千円，以今天的匯率，大概等於港紙三百多元。咁用五千円又可以在日本食到幾盡幾豪呢？今次光顧了位於大阪中之島的Quintocanto意大利餐廳，或許可以給我們一點點啟示。
 
 Quintocanto，相比起其他知名的食店，算是容易預訂的一家。在他們的官網便提供網上預訂服務，而且當月的預約情況亦可供瀏覽，非常方便。