以前住東京的時候，一直鐘情Comme Ca Cafe的鮮果撻。無意中俾我發現這間Quil fait Bon,同樣sell 果撻，不只一般的圓形，還有星型，波浪型...
他們有很多分店，我這次揀了銀座店。在銀座一丁目地鐵站附近，不難找（加上我有google map啊）地鋪是餅店，Cafe在樓下一樓。一去到就有個守門口的哥哥仔問幾位，再看看側面的牌 - 「十五分鐘」！！！星期二下午啊，天啊！還真的很多人呢！一心來試梗係等等等。
十五分鐘又蠻準。我一個人他們卻俾張四人枱我，日本人有這樣好，不會分幾多位排唔同隊，所以一位也不會呆等成世啊。
今天我冇揀到季節限定（我看季節限定都好吸引猶其是抹茶紅豆），選了最愛的red fruits tart。點餐不到兩分鐘就來了，相當有効率。論味道，個人覺得和Comme ca 差不多，不是驚為天人那種啦。皮還略嫌硬了少許。
下午茶當然少不了茶，點了個Darjeeling 。茶壷頗別緻，還奉上小漏斗，可惜冇茶隔要扣分。
等左咁耐，當然要Hea一陣先走，也不介意犧牲濕平時間，反正yen還是貴得很買唔起。這裏佈置像個小小英式茶室，也挺舒服的。在銀座逛耐了不妨到此遏遏腳。
我今天偏偏相反，要先吃甜品才有力氣開始我的瘋癲喪買之旅。開動！開動！
二零一三年一月二十九日下午四點十五分
扮日本女士們high tea中
Quil-Fait-Bon
東京都中央区銀座2-5-4
03-5159-0605
www.quil-fait-bon.com
餐廳餅店門口
後記，這次黎東京，感恩有機會再次去Comme Ca 食批。一大早在Shibuya找不到麵包鋪吃早餐，靈機一觸去Loft地下的Comme Ca。這裏跟其他分店不一樣，批是長方形的。因為在Quil fait bon已經食左berries tart，今日揀了個季節限定的柚子批，加了個和批絶配的Royal Milk Tea。新鮮的果肉，啖啖Cream cheese，加上脆度適中嘅批皮，食了方有「世上此終你好」的感嘆。仲有這裏不用排隊已經加哂分，我地還是剛開店不久的第一個客人呢！
老實說，我算得上是Comme ca批的忠實fans。認識它也是從涉谷店開始，因為從前在這附近做Gym。游完水總過來食件批補充體力。我也試過其他分店如白金台，池袋，新宿，原宿。我最like白金台分店，一來坐落住宅區非常清靜少人，地方也很大，還是半露天的。他們堂食還送一球雪糕或雪芭，有一次他們還送我一枝波子汽水，說是サービス(service)，至今印象難忘。可惜後來做不住關了白金台分店。我常常跟去日本的朋友說，一定要吃這個Comme ca 批，必定一試難忘。但如果你有選擇困難症的話會有些麻煩，因為這裏批款眾多，最閉係款款都咁靚，仲睇落勁好味，哈哈！
