來日本，食和牛同食壽司都係唔駛講嘅指定動作。和牛有好多種食法，常見有鐵板燒，涮涮煱Shabu Shabu同壽喜燒。我今次想吃壽喜燒，本來想去位於銀座，朋友介紹的岡半。可惜一日前預定都客滿，酒店推介這間今半，居然日本友人都知道這店，還讚口不絶，姑且試試。
今半銀座店位於Barneys New York樓上。我地這次來是離開東京前的最後午餐，所以要食餐好（豪）。餐廳好細，常常客滿，務必預約。我地兩個都被安排一個精緻個室，不過隔音不良，全程都聽到出面另一房間的喧嘩叫聲。午餐有不同價錢的套餐可點，有五千円樓下的經濟定食，也有五千円樓上有專人為閣下烹調嘅套餐。燒牛肉定食香港成日都食到，所以決定要七千円的壽喜燒套餐。
前菜精緻得不得了，而且食材新鮮相當美味。
再來看看牛肉。原來這裡的牛肉會定期轉換不同產地嘅牛，我地今次食嘅係來自九州的。
雖然以前住日本時都常常吃壽喜燒，但都是第一次全程由專人烹調，果然比自己整好味得多。每塊牛肉都煮到剛剛熟，配上不同的配菜，再放入攪好的生蛋汁中，牛肉真是滑到不能再滑了。而且每隔兩塊牛肉，他們又為你換上新的蛋汁。最後吃完了還可以選擇加蛋在壽喜燒煱上炒飯吃，不過我地吃了五塊牛肉已經飽到不行了，所以冇要到。食埋個甜品，剛剛好。
順帶一提，這裡服務好到冇得彈。熱茶不斷更換不在話下（注意是更換不是加茶而已），吃完負責人還送我地出門口一路去到𨋢口到關𨋢門先走。她說有好多香港人來幫襯，實在感激萬分。
誠意推介這間專門吃壽喜燒的店。不過下次一定要去人形町本店試一試！
人形町今半 銀座店
東京都中央区銀座6-8-7 交詢ビル ５Ｆ
03-3571-5333
www.imahan.com
2016年更新 － 東京壽喜燒岡半
http://harmomimi.pixnet.net/blog/post/446983445
留言列表
