娜娜林部落格

幾時去立山黑部先係最好時機？四月睇開山雪壁？夏天睇花花？還是九～十月睇滿山紅葉？其實立山黑部四季各有特色，只要開放的話（每年由四月中到十一月尾開放）我話幾時都係好時節。去立山黑部如果是自遊行的話，事前計劃一定要做到足，否則走掉了一班交通工具流落山頭，當真閣下自理了。基本上要玩立山黑部，首先要決定是由立山去黑部，還是掉轉頭由黑部去立山。溫馨提示：立山和黑部是橫跨了日本中部的山脈，中間是要搭乘官方指定的六種交通工具，別無他選，亦都不能自駕遊山。而且立山同黑部中間是沒有直接通道，如果自駕把車泊在立山或者黑部，唯一可以拿回車子的辦法就是沿路回程，很費時失事，所以建議大家不要自駕遊立山黑部。

這一次我們決定反方向由黑部過去立山（由東往西）。由名古屋出發，搭JR到達信濃大町，再轉巴士去大町溫泉鄉，先在山腳駐紮一晚，第二朝一早先出發征服立山黑部。在旅館建議先刨熟六種交通工具的時刻表。立山黑部有一個極貼心的服務，就是行李轉送，在富山，立山，信濃大町，大町溫泉鄉有一部分的旅館有提供這個服務，會把你的沉重行李運送到山的另一邊，讓你輕輕鬆鬆遊山，在旅程完結的時候先拿回行李（詳情請參閱： http://www.alpen-route.com/tw/transportation/baggagedelivery）。我們就選了在大町溫泉鄉寄行李，打算在當天富山火車站取回。溫馨提示2：如果選擇當天取回行李，最後時間是下午六點鐘，所以在編排行程的時候，一定要趕得切六點前到達富山車站，否則就要同行李講byebye，明天再會了！如果大家看時刻表，『理論上』是可以一天遊完立山黑部（但是先旨聲明，時間真的要拿揑得很準確啊！），我們決定挑戰一天遊完立山黑部Go Go Go！

（來源：立山黑部官方網站 http://www.alpen-route.com/tw/，遊立山黑部必看）

OK，一切就緒，Ready出發！先從溫泉鄉乘搭巴士八時三十分到達第一站扇澤，在這裡購入六種交通套票 （片道由扇澤都富山7890日圓）。第一種乘搭的交通工具就是關電無軌電車，需要十六分鐘由扇澤穿過赤澤岳到黑部水庫。由於是第一站的關係，雖然不是旺季仍然人頭湧湧，不敢想像旺季時候的輪候時間。。。

京都除了出名懷石，天婦羅和豆腐／腐皮料理也是一絕。說起豆腐，好多人都會去南禪寺順正，可是試過了覺得有點不外如是。在Tabelog找到了這間松籟庵，兩個月前打電話去預訂，周末已經滿了。。。 這麼受歡迎應該都差不到那裡，所以就預訂了平日的午餐（由於嵐山偏遠，本人是不太喜歡黑媽媽在荒山地區吃晚飯啦，況且夜晚去嵐山，同夜晚去郊野公園一樣，簡直浪費了嵐山的絕景！）。這裡訂位的時候已經要選定套餐，我們就選了中價位的『松籟』，以餐廳命名的套餐應該係招牌推介沒錯了吧！

十一月下旬，京都賞秋楓的黃金檔期，只可惜一晚無情雨，把無數紅葉打到地上去，變成了厚厚的紅地氈，可憐嵐山的賞楓名所如常寂光寺呀天龍寺呀都剩下光禿禿的樹，抬頭不見紅葉，低頭全在腳下。松籟庵跟嵐山吉兆在同一條路上，都在桂川旁。可是松籟庵還要沿河邊走上一段路。但是桂川兩旁的景色實在美得令人忍不住再三駐足，若果不是預定了時間，肯定在河邊必然耽誤好一段光景。

終於找到了松籟庵，隱蔽的藏在小樹林裡邊的一間小店，單單是選址已經夠詩情畫意。我們到達的時候，清雅的門口已經有一班客人在等着。

京都旅館有所謂御三家（即俵屋，佟屋同埋炭屋），唔好話畀人聽你未聽過呀哈哈，會俾人笑㗎！不過未住過就好正常，出名嘅嘢通常都未必一定要去試嘅下嘛。之但係為咗深入體驗京都文化，我決定帶備足夠彈藥深入虎穴去探個虛實，仲要一揀就揀三家之首兼日本旅館之最兼最棘手嘅俵屋。點解我話佢棘手呢？因為佢係不設網上預約，只有打電話，confirmation都只能用Fax因為佢哋係冇Email嘅（究竟咩年代呢？）全間旅館只有十八間房，唔好問我要幾耐之前預約，我諗好睇你同佢究竟有冇緣分囉，有時係冇得強求嘅 （我最近book得日本餐廳多，這個是我個人的深刻體會）但是只要他們有空房，只需留下姓名和電話便可，什麼訂金呀信用卡都不要，全憑一個信字。但是，我認為更重要的原因是他們覺得你想入住多過他們想你入住，所以認為客人一定會來。

一去到旅館門口，打從落的士果一刻就開始變做了上賓（雖然我哋著到爛身爛勢！）幾個著住和服的服務員從四方八面走出來爭住幫你攞行李（係連手上拎住個啲都拎埋！）未入到門口就撞到名人（上海灘老細），嘩，同有錢人住埋同一間旅館真係與有榮焉（就好似去福臨門響大劉隔離開餐一樣，哈哈，純粹講下笑啫！）今次我哋嘅房間係14號房，『楓』，呢度間間房都係唔一樣嘅，所以想試勻哂十八間房要來十八次咁多，仲要係預約到喎（聽講有幾間房係特別搶手嘅，不過應該唔係我哋住嗰間）。不過到你真係住勻十八間房嘅時候，之前住過的又翻新了，又得重新再住一次。。。

Service Menu裡面有手繪嘅房間間隔圖。

路加福音1章26－38節

到 了 第 六 個 月 、 天 使 加 百 列 奉 　 神 的 差 遣 、 往 加 利 利 的 一 座 城 去 、 這 城 名 叫 拿 撒 勒 ．
到 一 個 童 女 那 裡 、 是 已 經 許 配 大 衛 家 的 一 個 人 、 名 叫 約 瑟 、 童 女 的 名 字 叫 馬 利 亞 。
天 使 進 去 、 對 他 說 、 蒙 大 恩 的 女 子 、 我 問 你 安 、 主 和 你 同 在 了 。
馬 利 亞 因 這 話 就 很 驚 慌 、 又 反 復 思 想 這 樣 問 安 是 甚 麼 意 思 。
天 使 對 他 說 、 馬 利 亞 、 不 要 怕 ． 你 在 　 神 面 前 已 經 蒙 恩 了 。
你 要 懷 孕 生 子 、 可 以 給 他 起 名 叫 耶 穌 。
他 要 為 大 、 稱 為 至 高 者 的 兒 子 ． 主 　 神 要 把 他 祖 大 衛 的 位 給 他 ．
他 要 作 雅 各 家 的 王 、 直 到 永 遠 ． 他 的 國 也 沒 有 窮 盡 。
馬 利 亞 對 天 使 說 、 我 沒 有 出 嫁 、 怎 麼 有 這 事 呢 。
天 使 回 答 說 、 聖 靈 要 臨 到 你 身 上 、 至 高 者 的 能 力 要 蔭 庇 你 ． 因 此 所 要 生 的 聖 者 、 必 稱 為 　 神 的 兒 子 。 〔 或 作 所 要 生 的 必 稱 為 聖 稱 為 　 神 的 兒 子 〕
況 且 你 的 親 戚 以 利 沙 伯 、 在 年 老 的 時 候 、 也 懷 了 男 胎 ． 就 是 那 素 來 稱 為 不 生 育 的 、 現 在 有 孕 六 個 月 了 。
因 為 出 於 　 神 的 話 、 沒 有 一 句 不 帶 能 力 的 。
馬 利 亞 說 、 我 是 主 的 使 女 、 情 願 照 你 的 話 成 就 在 我 身 上 。 天 使 就 離 開 他 去 了 。

耶穌的降生就由天使加百列向馬利亞報喜訊揭開序幕。這次在拿撒勒參觀了著名的『天使報喜大教堂』，單是外觀就非常宏偉。

教堂裡面有個八角形的天井。

寫過吉泉，寫過祇園丸山，何解遲遲沒有寫京都嵐山吉兆呢。。。 連我自己都百思不得其解，何況這餐嵐山吉兆，真係學阿蘇話齋，可以講足一世的一餐，唔寫當真係對唔住自己又對唔住間餐廳呀！

這餐究竟有乜嘢咁特別可以講足一世咁巴閉呢？首先，貴，唔洗講嘢，係超乎想像咁喇脷，嵐山吉兆最平的套餐是每人36,750日圓，最貴是六萬日圓一位。即是話，入得嵐山吉兆的門口，至少要擺低港紙二千五大圓，仲要係至平果隻啦 (呢個價，仲要係日圓貶值之後的價錢）。人家的最平，卻是我一生人食過最貴嘅一餐來，嗚嗚。。 當然我唔係發咗達，但係為咗一生人點都要豪一次，何況唔食過點知點解要咁貴先？人一世物一世，點都要試下嘅係咪？為咗美食，我係絕對義無反顧豁出去食咗先算！

翻查紀錄，我係出發之前六個月的預訂，只要到他們的網頁填表格，很快他們就會用電郵回覆。雖然我唔知要幾耐之前預約先會有位，但係如果撞正櫻花或者賞楓季節就最好早D訂了。聽講旺季嘅時候係好難預約到地下有景觀的個室。還有值得一提，嵐山吉兆係有好多分店，有啲仲響火車站樓上，價錢相比本店相宜得多。之但係米芝蓮三粒星嘅始終係本店，tabelog也以本店評分最高。

嵐山吉兆很易找，過了渡月橋沿著嗰條大河桂川向上游行8分鐘左右便到。這裡用餐的個室非常之大。我哋嘅個室係響地下，可以見到十一月頭樹葉還是一片翠綠，但係過多幾個星期，坐享同一個房間就可以望到一片火紅嘅楓葉，單係諗下已經覺得超正，所以一早俾人Book哂係絕對可以理解嘅。

十月準備京都之旅嘅時候，心血來潮醒起阿蘇『京都SO GOOD』介紹過食朝粥，於是就拎起電話打去飄亭訂位 （點解我咁叻會知間嘢叫飄亭呢？因為麻生圭子響『小巧京都食導覽』都有寫過）。 阿蘇介紹得嘅當然非一般餐廳，飄亭是擁有三粒米星星嘅懷石料亭，最特別係佢會提供早餐。阿蘇食嘅係飄亭本店，而我哋因為係十一月嘅關係，所以只可以在別館食。兩者有乜嘢分別呢？阿蘇果個係6000円（嘩，仲要係十算六舊水），我哋食別館只需要4500円。除此之外，本店有古色古香個室坐地蓆，別館則是有枱有櫈但係冇個室。不過唔駛煩惱，因為係冇得你揀嘅，本店只在夏天七八兩個月先會開放食朝粥，而且只有八至十點兩個小時，認真巴閉，其餘月份則只有別館提供，之不過十二月到三月中係無論本店別館都係冇早餐吃嘅要留意啦。

飄亭位於南禪寺附近，地方有一點隔涉，到訪當日仲要氣溫驟降冬意濃。一入門口有條長長走廊，訂咗位都要在這條走廊等候。等等下發現條龍越等越長。。 訂咗位都要等等等。。可能佢哋覺得我哋個樣未夠肚餓，所以要響走廊食下西北風先。驟眼望去，大部分都是日本人，咁又係香港人應該唔係咁多個好似我咁會有興趣千里迢迢嚟京都俾幾百蚊食粥卦哈哈。

話時話點解我會想吃朝粥架呢？因為俾這個葫蘆身形嘅三層瓷器吸引，似唔似俄羅斯娃娃呢？當然好多人話個流心蛋先係一絕。十一月仲醒你兩舊京都特產鯖壽司 （中間紅噹噹嗰兩舊，都係睇圭子小姐『京都小巧生活』學返嚟嘅，嗱，雖然我少文化睇書少，但係旅遊書我可是真係有用心『研究』㗎！）

對日本的燒雞飯有份難以解釋的情意結，真係好令人懷念。以前響東京做嘢嘅時候，成日去公司對面嘅燒雞舖食Lunch。那間鋪頭好有性格，Menu只有三樣嘢，1）Chicken in a box; 2) Chicken outside of a box; 3) 親子丼，啱哂有選擇困難的你（當然要揀D雞響唔響個盒入面都幾花心思㗎！）最記得個老闆仲無啦啦放咗一年假，到我差唔多要離開東京嘅時候先返嚟開番舖，有性格到呢。。

所以，今次朋友極力推介這間響築地嘅燒雞飯店，仲要講到係全東京最好食，仲唔第二日即刻仆倒去食咩。仲要空肚食早餐個隻，唔係點試到D真雞味。餐廳就位於晴海通，沿著晴海通由銀座往築地方向大概行十分鐘就見到，途經築地市場，你要有信心唔會改變主意去左食魚生先得，因為我哋意志好堅決所以輕易過關，直闖雞店。

因為時間尚早，未到午飯時間，裡面冇其他人客。裝修非常之咁簡約，仲俾我見到這個逐頁揭式日曆，好經典呀！

首先，要介紹一下這間L'Effervescence餐廳 （Sorry個名好難讀，就算跟日文發音都超蹺口）。 在Tabelog排行東京餐廳第三位，評分4.51分，米芝蓮兩粒星星，屬法國創作料理。本以為好難Book，點知出奇地網上預約三星期後的午餐完全冇問題。太容易可能覺得唔希罕，不過我今天再嘗試預約午餐，最快都要個半月後。呀，原來是自己好彩咋！

餐廳的位置非常奇特，並唔係響大街大巷又或者鬧市之中，而是隱藏在西麻布住宅區一棟不起眼的平房，驟眼看跟其他住宅差不多無分別，完全不為意這居然是一間餐廳。它的對面有一間非常大的長谷寺，算是唯一的識認。

在網上找地址的時候，已經覺得好面善 （畢竟餐廳位於咁怪嘅地段都冇幾多間），來到之後見到入面嘅卡位，就肯定自己以前係嚟過嘅。。 不過係十年前。這間餐廳開業四年，前身（即我光顧過的那間）是集團的另一間餐廳，原来系咁，我仲特登搵番十年前的照片嚟比對一下。哈哈，不過十年前小女子太令女，驚嚇親人，所以特意遮住，請不要見怪。

一月二十九日，醞釀下雪的前一晚，氣溫只有攝氏兩度，寒風凜凜。

一行四人，來到東京西麻布交叉點不起眼地下一層的Masa。八點半的預約，準時到達，因為之前的客人還沒有吃完還要等十分鐘。這裡只有七個座位，三星期前的預約。這一晚總共食了三個鐘，三十九隻壽司。。。 是一個人吃了三十九隻，不是四個人。。。。 從前食迴轉壽司疊碟碟都未試過食三十九件。。。  Wow。。。 好佩服這晚的自己。。個。。。胃 （傻笑！）在美食之前，千萬不要睇小自己個胃的彈性啊！

OK － Get Ready 潛入深海未？ 先望望今晚大海入面有D乜嘢魚朋友先。Masa師傅會先問你看看有冇邊個魚朋友係唔食嘅。。。  well， 大部分都唔識嘅，好難答噃。。